Ekvadorun Quayaquil şəhərində gənclər arasında Dünya çempionatının üçüncü günündə -81 kq. çəki dərəcəsində yarışan cüdoçumuz Elcan Hacıyev qazaxıstanlı idmançı Maksim Merlana qalib gələrək çempionatın bürünc medalını əldə edib.

İdmançımızı təbrik edirik!

Yeniyetmələrdən ibarət milli yığma komandamızın 12 üzvü Gürcüstanın Qori şəhərində təlim-məşq toplanışına qatılıb. Gürcüstanın yeniyetmələrdən ibarət komandası ilə yanaşı Qazaxıstan və Kiprdən olan idmançılarla birgə baş tutan hazırlıq prosesi 8 avqustda başlayıb və 13 avqusta qədər davam edəcək.

Yeniyetmə cüdoçularımıza baş məşqçi Rüstəm Alimli və məşqçi Emin İskəndərov rəhbərlik edir.

Təlim-məşq prosesi 24-28 avqust tarixlərində Sarayevoda təşkil olunacaq yeniyetmələr arasında Dünya çempionatına hazırlıq məqsədi daşıyır.

Böyüklərdən ibarət milli yığma komandanın Zakopanedə təlim-məşq prosesi davam edir. 

Qeyd edək ki, hazırlıq prosesi 6-12 oktyabr tarixlərində Özbəkistanın paytaxtı Daşkənd şəhərində keçiriləcək böyüklər arasında Dünya çempionatına hazırlıq məqsədi daşıyır.